Zerendi aýdanynyń ákimi orynbasary arqyly para alǵan

ASTANA. QazAqparat - Sybaılas jemqorlyqqa qarsy Ulttyq bıýrosynyń Aqmola oblysy boıynsha departamenti Zerendi aýdanynyń ákimi men onyń orynbasaryna qatysty sotqa deıingi tergeýdi bastady, dep habarlaıdy QazAqparat tilshisi.

Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova apta saıynǵy brıfıngte málimdedi.

«Ákim óziniń orynbasary arqyly aýyl sharýashylyǵyna arnalǵan 300 gektar jer ýchaskesin jaldaý merzimin uzartý úshin JShS dırektorynan 3 mln teńge para aldy dep aıyptalyp otyr. Oqıǵa ornyn tekserý nátıjesinde ákimnen 2 mln teńge tárkilendi, sondaı-aq serııasy buryn alynǵan 1 mln teńgemen sáıkes kelgen aqsha qarajaty tabyldy», - dedi J. Bastarova brıfıngte.

Aýdan ákimine qatysty sot qamaýda ustaý sharasyn qabyldady. Tergeý jumystary jalǵasýda.

Aıta keteıik, Aqmola oblysy Zerendi aýdanynyń ákimi Mereke Mustafın 18 qańtarda ustalǵan bolatyn.

Sondaı-aq, sot Zerendi aýdanynyń əkimin 2 aı qamaýda ustaýǵa sanktsııa berdi.