Zerendi aýdanynyń ákimdigi ákimniń ustalǵany týraly aqparatty rastaǵan joq
KÓKShETAÝ. QazAqparat – Zerendi aýdanynyń ákimdigi aýdan ákimi Berikjan Ábýtálipovtiń ustalǵany týraly aqparatty rastamady, dep habarlaıdy QazAqparat tilshisi.
Zerendi aýdany ákimi men TKSh bólimi basshysynyń ustalǵany týraly aqparat jurtty dúr silkindirdi. Ákimdik aýdan basshysynyń ustalǵany týraly aqparattyń shyndyqqa janaspaıtynyn málimdedi.
«Áleýmettik jelilerde jáne aqparat agenttikteriniń saıttarynda jergilikti kásipkerden para alý kezinde TKSh bólimi basshysynyń ustalǵany týraly aqparat tarady, sondaı-aq Zerendi aýdanynyń ákimi ustalǵany aıtyldy. Osy aqparat shyndyqqa janaspaıdy, aýdan basshysy Berikjan Ábýtálipov jumys ornynda», - delingen aýdan ákimdiktiń Instagram paraqshasynda.
Vedomstvonyń málimdeýinshe, TKSh bólimi basshysyna qatysty tergeý amaldary júrip jatyr.
«Quzyrly mekemeler resmı aqparat bermeıinshe, jalǵan aqparat jarııalaýdan saqtanýlaryńyzdy suraımyz», - dep málimdedi ákimdik BAQ ókilderine.
Avtor:Oksana Matasova
