Zerendi aýdanyndaǵy «Iskorka» BSO qaıta jańǵyrtylady-Aqmola oblysy
KÓKShETAÝ. QazAqparat - Zerendi aýdanyndaǵy «Iskorka» balalardyń saýyqtyrý ortalyǵy qaıta jańǵyrtylady. Bul týraly aýdandyq bilim bóliminiń basshysy Jangeldi Ýəıisov aıtty, dep habarlaıdy QazAqparat tilshisi.
Onyń sózinshe, 15 jyldaı jumys istemeı turǵan balalardyń saýyqtyrý ortalyǵyna kúrdeli jóndeý jumystaryn júrgizý úshin aýdandyq bilim bólimi tarapynan jobalyq-smetalyq qujattar ázirlengen.
«Uzaq jyldar boıy bos qańyrap turǵan «Iskorka» balalardyń saýyqtyrý ortalyǵyn qaıta jańǵyrtý jóninde sheshim qabyldap otyrmyz. Kúrdeli jóndeý jumystaryna qansha qarjy qajet ekenin dəl qazir dóp basyp aıta almaımyz. Degenmen óz tarapymyzdan tıisti jobalyq-smetalyq qujattaryn ázirlep qoıdyq. Eger bıýdjetten qarjy bólinip jatsa, jóndeý jumystaryn bastap ketýge daıynbyz. Bul aýdandaǵy əkimdiktiń ballanysynda turǵan balalardyń demalyp, saýyǵatyn jalǵyz ortalyǵy. Munda sanıtarlyq normalarǵa saı bir aýysymda 70 balanyń demalýyna bolady», deıdi aýdandyq bilim bóliminiń basshysy.
Eske sala keteıik, qazirgi kezde Zerendi aýdanynda «Suńqar», «Məlik Ǵabdýllın» atyndaǵy jəne «Barys» tárizdi úsh demalys lageri jumys isteıdi.
Bul lagerlerde bıylǵy jyly barlyǵy 100-ge jýyq bala demalǵan.
