Zerendide 2294 balanyń jeke deregi tarap ketken
KÓKShETAÝ. KAZINFORM — Zerendi aýdanynyń prokýratýrasy ınternet-platformalarǵa júrgizilgen monıtorıng barysynda anyqtalǵan mektep oqýshylarynyń derbes derekterin zańsyz taratý faktileriniń jolyn kesti. Bul týraly Aqmola oblysynyń prokýratýrasy málim etti.
Anyqtalǵandaı, bilim berý uıymdarynyń qyzmetkerleri kámeletke tolmaǵandar týraly málimetterdi ashyq qoljetimdilikke ornalastyrýǵa jol bergen, bul qoldanystaǵy zańnama talaptaryna qaıshy keledi jáne olardyń konstıtýtsııalyq quqyqtaryn buzady.
— Prokýrorlyq yqpal etý sharalarynyń nátıjesinde anyqtalǵan buzýshylyqtar joıylyp, derbes derekterge qoljetimdilik shekteldi. Kináli tulǵalar ákimshilik jaýaptylyqqa tartyldy, — delingen habarlamada.
Qabyldanǵan sharalardyń nátıjesinde 2294 kámeletke tolmaǵannyń konstıtýtsııalyq quqyqtary men zańdy múddeleri qorǵaldy.
Eske sala keteıik, buǵan deıin Úkimet jeke derekterdi qorǵaý talabyn jańartatyn qujatty bekitken bolatyn.
