«Zeren-2019» jastar jazǵy lageriniń ekinshi maýsymy bastaldy

NUR-SULTAN. QazAqparat - 13 - 21 shilde aralyǵynda Qazaqstan, Ázirbaıjan, Túrkııa, Mońǵolııa jáne Qytaı elderinen jınalǵan 200 qatysýshy tájirıbeli tálimgerlerdiń jetekshiligimen óz jobalaryn daıyndap, usynady, dep habarlaıdy QazAqparat QR Aqparat jáne qoǵamdyq damý mınıstrligine silteme jasap.

«Zeren-2019» respýblıkalyq tanymdyq jastar jazǵy lageri QR Aqparat jáne qoǵamdyq damý mınıstrliginiń bastamasymen uıymdastyrylyp, Qazaqstanda Jastar jylyn ótkizý boıynsha Jol kartasy sheńberinde júzege asyrylýda.

9 kún boıy qatysýshylarǵa Dos Kóshim, Erlan Mustafın, Maqsut Jumaev, Tımýr Qudaıbergenov, Álıhan Báımenov jáne basqa da tanymal tulǵalar tálim beredi. Spıkerler óz tájirıbesi men tabysqa jetý jolyn jastarmen bólisip, jobany jasap, júzege asyrýdyń qazirgi ýaqyttaǵy qıyndyqtary týraly aıtyp beredi.

Lager úsh kezeńnen turady. Ár kezeńde 200 qatysýshydan jınalyp, ıaǵnı barlyǵy 600 adam qatysady. Lagerde turý jáne bilim alý - tegin. Birinshi kezeń 3 – 11 shilde aralyǵynda ótti, ekinshi kezeń 13 – 21 shildede, úshinshi kezeń 23 – 31 shilde aralyǵynda ótpek.

Barlyq qatysýshy óz jobasyn mynadaı baǵyttar boıynsha ázirleıdi: azamattyq qoǵamdy damytý, kásipkerlik daǵdylary, jasyl ekonomıka, kreatıvti ekonomıka jáne jańa medıa salalary. Ár komandaǵa tájirıbeli tálimger-mentor taǵaıyndalyp, olar jastarǵa ıdeıalaryn qalaı jetildirýi kerek ekeni jóninde jol siltep, keńes beredi.

Zerendikter jobaǵa qatysty ıntellektýaldy jumystardan bólek, kúndelikti belsendi sport sektsııalaryna qatysady. Ár tańda saǵat 7-den 8-ge deıin komandalyq sport jarystaryna qatysyp, keshkisin bárine unaıtyn FireTime (alaý mańyndaǵy kezdesý) ýaqytynda yntalandyrýshy spıkerlermen óz ıdeıalary men josparlaryn talqylaıdy.

Lagerdiń maqsaty – naqty iske asatyn, ornyqty, áleýmettik baǵyttaǵy bıznes jobalardy Qazaqstannyń barlyq óńirinde ashý. Lager jastardyń ózin ózi kórsetýine kómektesip, jastardyń, sonyń ishinde aýyl jastarynyń ekonomıkalyq jáne áleýmettik satylarǵa qol jetkizýine kómektesý úshin ashylǵan.

Zeren lageri jobasynyń sońynda sarapshy qazylar qatysýshylar jasaǵan jobalardan eń úzdigin irikteıdi. Úsh maýsymnyń jalpy júlde qory - 15 mln teńge.

Aıta keter bir jaıt, 3 – 11 shilde aralyǵynda ótken birinshi maýsymnyń qorytyndysy boıynsha 5 úzdik joba tańdaldy, jobalardy júzege asyrý úshin jastarǵa 7 mln teńge saltanatty túrde tabys etildi.