«Zeren-2019» tanymdyq lageri aıaqtaldy

Lager baǵdarlamasy dárister men semınarlardan quralǵan bilim berý blogynan jáne áleýmettik bıznes-jobalardy jasaıtyn tájirıbelik bloktan turdy. Qatysýshylar kelesi tórt baǵyttaǵy joba boıynsha jumys istedi. Olar: azamattyq qoǵamdy damytý, kásipkerlik daǵdylary, jasyl ekonomıka, kreatıvti ekonomıka jáne jańa medıa.

Ár maýsymda daryndy jastar qazylardyń talqysyna ózderiniń biregeı jobalaryn usyndy. Úshinshi maýsymnyń jeńimpazdary 30 shildede anyqta

«IN DATA» komandasy «Biz map» jobasymen, «UmitApp» komandasy «Round up» jobasymen (joba ámbebap dúkender jelisin qatystyra otyryp, qaıyrymdylyq qoryna qarjy tartýǵa baǵyttalǵan), «Happy project» komandasy «Be my friend» jobasymen, «ZhanAru» komandasy «CityBox» jobasymen (joba Qoqysty bólek-bólek jınaıtyn avtomattandyrylǵan júıeni jasaýǵa arnalǵan), «Healthy Life» komandasy «Magic hands» jobasymen úshinshi aýysymnyń jeńimpazy atandy.

Lagerdiń saltanatty túrde jabylýymen quttyqtaýǵa Qazaqstannyń Bilim jáne ǵylym mınıstri Ashat Aımaǵambetov keldi. Vedomstvo basshysy jastardyń daıyndyq deńgeıine, oı órisine jáne óz salasyndaǵy bilimine súısinetinin jetkizdi.

Lagerdiń úsh aýysymy da shilde aıynda ótti. Birinshi aýysym 3–11 shilde aralyǵynda, ekinshi aýysym 13–21 shildede, úshinshi aýysym 23–31 shilde aralyǵynda ótti. Osylaısha, ár aýysymda lagerge Qazaqstan, Iran, Mońǵolııa, Qytaı, Ózbekstan, Reseı, Túrkııa, Ázirbaıjan jáne Qyrǵyzstan elderinen 200 qatysýshydan kelip, Zerendi kýrorttyq aımaǵynda esten ketpes toǵyz kúnin ótkizdi. Lager bitkenshe 15 úzdik joba anyqtaldy. «Zeren-2019» lageriniń úsh aýysymyndaǵy jalpy júlde qory 15 mln. teńgeni qurady, odan bólek, kásipkerler 12 mln. teńge bóldi.

Kún saıyn zerendikterdiń aldynda tanymal spıkerler sóz sóıledi, olar: Qazaqstan vıtse-premeri Gúlshara Ábdiqalyqova, Aqparat jáne qoǵamdyq damý mınıstri Dáýren Abaev, Prezıdenttiń keńesshisi, saıasat jáne qoǵam qaıratkeri Erlan Qarın, Kusto Group-tyń negizin qalaýshy jáne qosalqy ıesi Erkin Tátishev; qazaqstandyq áıgili alpınıst, joǵary deńgeıli alpınızm boıynsha QR birinshiliginiń birneshe dúrkin chempıony, ári júldegeri Maqsut Jumaev, Qazaqstandaǵy eń iri taksoparkterdiń biriniń negizin qalaýshy, kásipker Tımýr Hudaıbergenov, Qazaqstannyń memlekettik jáne qoǵam qaıratkeri, Nur-Cultandaǵy Memlekettik qyzmet salasyndaǵy óńirlik habtyń basqarýshy komıteti tóraǵasy Álıhan Báımenov jáne taǵy basqalar.

Aldyńǵy eki aýysymnyń jeńimpazdary:

1 kezeń:

• «Red Orda» komandasy, «Jońyshqa - tabıǵı tyńaıtqysh» jobasymen.
• -«Eko enerdjı» komandasy, «Bıo otyn» jobasymen.
• -«Ońtústiktikter» komandasy, «Qazaq oyi» jobasymen.
• -«Qamqor» komandasy, «Múmkindigi shekteýli balalarǵa arnalǵan shyǵarmashylyq ortalyǵy» jobasymen.
• -«Eko jer» komandasy, «Vırmıgýmýs» jobasymen.

2 kezeń:

• -«Eko bahıly Zeren» jobasymen UPGRADE komandasy. Kem degende 350 ret paıdalanýǵa bolatyn bıologııalyq ydyraıtyn materıaldan eko-bahıl tigý.
• -Q4 komandasy «Taqymdy tulǵa» jobasymen. Ulttyq at oqý ortalyǵynyń ashylýy.
• -Arasan komandasy «Aiel Baqyty» jobasymen. Áıelderdiń reprodýktıvti densaýlyǵyna baılanysty barlyq problemalardy sheshý úshin ınnovatsııalyq platforma qurý.
• -Demeý komandasy «Demeý» jobasymen. Múmkindigi shekteýli adamdar úshin tegin oqý kýrsy jáne turaqty jumysqa ornalastyrý
• -«Agro-M» jobasymen umtylý komandasy. Halva, maı, kosmetıka jasaýǵa bolatyn saflor ósirý, hımııa men tyńaıtqyshtardy paıdalanýǵa shyǵynsyz janýarlarǵa arnalǵan «tiri» azyq.

  

Zerendikter búkil ýaqytyn jobalardy jasap, ony júzege asyrýǵa ǵana jumsaǵan joq. Jastar kúndelikti tańǵy saǵat 7-den 8-ge deıin belsendi sportpen aınalysyp, komanda aralyq sport saıystaryna qatysty. Qatysýshylardyń eń súıikti sátteriniń biri - FireTime (alaý mańyndaǵy kezdesý) ýaqytynda yntalandyrýshy spıkerler jastarǵa tálim berip, olardy jańa ıdeıalarǵa shabyttandyrdy jáne ózderine degen senimderin arttyrdy. Odan bólek, qatysýshylar bos ýaqytynda taýǵa shyǵyp, Aqmola oblysynyń kórkem tabıǵatymen tanysty jáne Zerendi kóline shomyldy. 27 shildede zerendikter, ekologııa, geologııa jáne tabıǵı resýrstar mınıstri Maǵzum Myrzaǵalıev uıymdastyrǵan «Birge - Taza Qazaqstan» aýqymdy ekologııalyq chellendjine atsalysyp, lager aýmaǵyn tazalady.

2019 jyl Qazaqstanda jastar jyly bolyp jarııalanǵanyn esterińizge salamyz. Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń tapsyrmasymen bıyl elimizdegi jastardyń damýyna jáne jas qazaqstandyqtardyń qajettilikterin sheshýge arnalǵan naqty qoldaý quraldaryn qurýǵa baǵyttalady.

«Zeren-2019» respýblıkalyq tanymdyq jastar jazǵy lageri QR Aqparat jáne qoǵamdyq damý mınıstrliginiń bastamasymen uıymdastyrylyp, Qazaqstanda Jastar jylyn ótkizý boıynsha Jol kartasy sheńberinde júzege asyryldy. Lagerdiń maqsaty – naqty iske asatyn, ornyqty, áleýmettik baǵyttaǵy bıznes jobalardy Qazaqstannyń barlyq óńirinde ashý. «Zeren-2019» jastardyń ózin ózi kórsetýine kómektesip, jastardyń, sonyń ishinde aýyl jastarynyń ekonomıkalyq jáne áleýmettik satylarǵa qol jetkizýine kómektesý úshin ashylǵan.

Qazaqstan men basqa da elderdiń 18-29 jas aralyǵyndaǵy kez kelgen azamaty «Zeren-2019» jobasyna qatysý múmkindigine ıe boldy. Lagerde turý jáne bilim alý shyǵynyn uıymdastyrýshylar kóterdi.