«Zerdeli ult» tujyrymdamasy bekitiledi — Prezıdent
ASTANA. KAZINFORM — «Jyldyń 10 oqyrmany» respýblıkalyq jobasy ótkiziledi. Bul týraly Aqordada mádenıet jáne óner qyzmetkerlerin marapattaý rásiminde Memleket basshysy Qasym-Jomart Toqaev aıtty.
— Taǵy bir mańyzdy másele, kitap oqý órkenıetti qoǵam quryp, ozyq oıly ult bolýdyń eń tóte joly dep aıtsaq, artyq bolmaıdy. Sondyqtan biz el ishinde, ásirese jastar arasynda kitap oqý mádenıetin keńinen dáripteýmiz kerek. Men ótken aptada «Kitap oqý mádenıetin damytý jáne zerdeli ult qalyptastyrý jónindegi sharalar týraly» arnaıy Jarlyqqa qol qoıdym. Osy mańyzdy qujattyń negizgi maqsaty — ult sapasyn arttyrý, ıaǵnı, adam kapıtalyn damytý, qoǵamnyń zııatkerlik jáne mádenı áleýetin nyǵaıtý, — dedi Qasym-Jomart Toqaev.
Memleket basshysy Úkimetke osy baǵyttar boıynsha naqty sharalardy iske asyrýdy, sonyń ishinde kitaphana jáne kitap shyǵarý isin zań turǵysynan qamtamasyz etýdi tapsyratynyn atap ótti.
— Sonymen qatar «Zerdeli ult» tujyrymdamasy bekitiledi. «Jyldyń 10 oqyrmany» respýblıkalyq jobasy ótkiziletin bolady. Barshaǵa qoljetimdi ulttyq tsıfrlyq kitaphana platformasy iske qosylady. Basqa da tyń bastamalar júzege asyrylady. Bul jumysqa tutas qoǵammen birge mádenıet pen óner salasynyń qyzmetkerleri, ásirese kitaphanashylar, baspagerler belsene atsalysady dep oılaımyn, — dedi Prezıdent.
Buǵan deıin Prezıdent dástúrli ónerdi dáriptep júrgen ónerpazdarǵa «Asyl mura» ulttyq syılyǵyn taǵaıyndaıtynyn jazǵan edik.
