Zerde holdıngi 5 jylda 7 mlrd teńge shyǵynǵa batqan – Mınıstrlik

NUR-SULTAN. QazAqparat – Tsfırlyq damý, ınnovatsııalar jáne aeroǵaryshónerkásibimınıstrligi «Zerde» holdınginiń keleshegi týraly resmı ustanymyn jarııalady, dep jazady QazAqparat tilshisi.

«Zerde» holdıngi obektıvti jáne sýbektıvti sebepterge baılanysty Aqparattyq kommýnıkatsııalyq tehnologııalar salasyn damytýdyń tolyqqandy ınstıtýty retinde qalyptasa almady.

Búginde «Zerde» holdıngi derbes tabys ákelmeıdi jáne óz kezeginde memleketten Elektrondyq úkimettiń aqparattyq-kommýnıkatsııalyq ınfraqurylymy operatorynyń fýnktsııalaryn júzege asyrýǵa tapsyrystar alatyn «Ulttyq aqparattyq tehnologııalar» AQ-nyń dıvıdendteri esebinen qarjylandyrylady», - dep jazylǵan mınıstrliktiń baspasóz qyzmeti taratqan málimette.

ıAǵnı, holdıng buǵan deıin shyǵynmen jumys istep kelgen. Vedomstvo osy ýaqytqa deıin IT-qaýymdastyq tarapynan holdıng qyzmetine baılanysty aıtylǵan syndardy oryndy degen ustanymda.

«Holdıng qyzmeti, bıýdjetten bólinetin qarajat kólemi jáne «UAT» AQ-nyń qarjylyq jaǵdaıy, basqarýshy holdıng pen enshiles uıymdardyń jumysyna ketetin qarajat kólemi IT-qoǵamdastyq pen baqylaý organdarynyń ádil synyna tústi.

2021 jyly «Zerde» holdıngi tabysynyń ulǵaıýyna Tsıfrlyq damý, ınnovatsııalar jáne aeroǵarysh ónerkásibi mınıstrligi Elektrondyq úkimetti zertteýge bergen tapsyrys áser etti. Bul «Zerde» holdıngine oń tabys ákelýge múmkindik berdi, biraq jyldyń qorytyndysy boıynsha holdıng qyzmeti qaıtadan shyǵynǵa ákep soqty. 2016-2021 jyldar kezeńinde holdıngtiń jınaqtalǵan shyǵyny 7 mlrd teńge boldy», - delingen mınıstrlik dereginde.

Eske salsaq, buǵan deıin Tsıfrlyq damý mınıstri Baǵdat Mýsın «Zerde» holdıngin taratýdy usynǵan edi.