«Zerde» daryndy balalarǵa arnalǵan mektep UBT qorytyndysy boıynsha úzdikter qatarynan tabyldy - elordanyń bilim berý basqarmasy
ASTANA. Maýsymnyń 16-sy. QazAqparat /Murat Jákeev/ - Elordamyzdaǵy «Zerde» daryndy balalarǵa arnalǵan mektebi Ulttyq Biryńǵaı Testileý (UBT) barysynda jınaǵan balldary sanyna shaqqanda Astananyń bilim berý mekemeleriniń úzdik ondyǵyna kirdi. Bul týraly búgin Astana qalasynda qalalyq bilim berý basqarmasynyń bastyǵy Ásıma Bımendına habarlady.
«Astananyń bilim berý mekemeleriniń arasynda UBT qorytyndysy boıynsha «Zerde» daryndy balalarǵa arnalǵan mektebi úzdik dep tanyldy. Bul jerde UBT barysynda jınaǵan ortasha ball 113 boldy. Bul jaqsy nátıje, onymen mektep basshylyǵyn shyn júrekten quttyqtaımyn» - dedi Ásıma Bımendına.
Sodan keıingi kezekte UBT qorytyndysy boıynsha úzdikter tiziminde: qyzdarǵa arnalǵan qazaq-túrik lıtseıi (QTL) - 108,5, ul balalarǵa arnalǵan QTL - 106, №38 mektep-lıtseı (ML) - 101,9, «Mıras» halyqaralyq mektebi - 101,5, №50 ML - 101,2, №60 ML - 99,1, №6 orta mektep - 98,9, №48 ML - 98,2, №17 ML - 96 ball.
Astana qalalyq bilim berý basqarmasynyń aqparatyna súıensek, ústimizdegi jyly UBT-ǵa 2 915 oqýshy qatysty. Onyń ishinde eń joǵarǵy balldy 125 oqýshy ıemdendi. Bes túlek 123 ball, tórteýi 122 jáne jeti adam 121 ball aldy. Júzden astam balldy 634 oqýshy ıelense, 2009 jyly olardyń sany 266 boldy.
