Zeno Debast: «Qaırat» — daıyndyǵy jaqsy komanda
ASTANA. KAZINFORM — Almatynyń «Qaırat» klýbyna qarsy oıyn aldynda belgııalyq fýtbolshy, Lıssabonnyń «Sportıng» klýbynyń jáne Belgııa quramasynyń qorǵaýshysy Zeno Debast Qazaqstan chempıonyna qarsy búgingi oıynǵa qatysty pikir bildirdi, dep habarlaıdy Kazinform menshikti tilshisi.
Z.Debast 7 qyrkúıekte Brıýsselde ótken Belgııa men Qazaqstan quramalary arasyndaǵy oıynda «Qaırattyń» shabýylshysy Dastan Sátbaevqa qarsy oınaǵany týraly baıandap berdi.
Conferência de imprensa de antevisão ao #SCPFCK da #UCL ⚽ https://t.co/OAQF7Ln1kk
— Sporting CP (@SportingCP) September 17, 2025
«Sportıng» qorǵaýshysy qazaqstandyq shabýylshynyń jaqsy oıyn kórsetkenin jáne úlken sporttyq áleýet tanytqanyn atap ótti.
Budan basqa, Z.Debast «Qaırat» komandasyna joǵary baǵa berip, qazaqstandyq oıynshylardyń fınaldyq oıynda «Seltıkti» (Shotlandııa) jeńip, aqtyq kezeńge abyroımen ótkenin atap ótti.
Belgııalyq sportshy «Sportıng» 13 qyrkúıekte Portýgalııa lıgasynda jergilikti «Famalıkao» klýbyn jeńgennen keıin qalpyna kelip jatqanyn aıtty.
Zeno Debast — Belgııa quramasynyń ósip kele jatqan «juldyzy». Ol «Anderleht» fýtbol akademııasynyń tárbıelenýshisi. 2019 jyldyń sońynda klýbpen alǵashqy kásibı kelisimshartyna qol qoıdy, al 2021 jyldyń aqpanynda kelisimshartyn 2023 jylǵa deıin uzartty. 2021 jyldyń mamyrynda «Anderlehttiń» negizgi quramynda Belgııa chempıonatynda «Brıýgge» klýbyna qarsy matchta debıýt jasady.
Ol Belgııanyń 15, 16, 17 jasqa jáne 19 jasqa deıingi quramalarynda oınady. 2022 jyldyń qyrkúıeginde Belgııanyń eresekter quramasyna ótti. 2022 jyldyń 10 qarashasynda ol 2022 jyly Qatarda ótetin álem chempıonatynda Belgııanyń resmı quramyna endi.
Búgin jergilikti ýaqyt boıynsha saǵat 13:00–de «Sportıng» pen «Qaırat» jastar quramalary oınaıdy.
Eske sala ketsek, «Sportıng» — «Qaırat» kezdesýi Lıssabon ýaqytymen saǵat 20:00–de (Astana ýaqyty boıynsha 19 qyrkúıek kúngi saǵat 00:00) bastalady. Bul bizdiń komandanyń Chempıondar lıgasynyń fınalyndaǵy debıýti bolmaq.
Buǵan deıin «Sportıng» — «Qaırat» kezdesýinde kim tóreshilik qyzmet atqaratynyn jazǵan bolatynbyz.
Sondaı-aq UEFA Chempıondar lıgasy negizgi kezeńi alǵashqy týryndaǵy «Sportıng» (Portýgalııa) pen «Qaırat» kezdesýi qaı telearnadan kórsetiletinin myna jerden oqı alasyz.