Zelenskıı Ýkraınadaǵy prezıdent saılaýyn ótkizý sharttaryn atady

ASTANA. KAZINFORM — Donald Tramp talap etken Ýkraınadaǵy prezıdent saılaýy kem degende saılaý protsesi men daýys berý kezinde atysty toqtatý shartymen ótkizilýi múmkin. Bul týraly Ýkraına kóshbasshysy Vladımır Zelenskıı málimdedi, dep habarlaıdy DW.

— Biz prezıdent Tramppen kez kelgen formatta jumys isteýge daıynbyz. Eger Tramp Ýkraınadaǵy saılaý týraly kóbirek aıtsa, men muny ashyq aıtqym keledi: biz saılaý ótkizýge tyrysa alamyz. Ýkraına demokratııadan qashpaıdy, — dedi Zelenskıı beısenbi, 11 jeltoqsanda ótken «Qabyldanýshylar koalıtsııasynyń» otyrysynda.

Onyń aıtýynsha, saılaý ótkizý úshin qaýipsizdik óte mańyzdy jáne «Amerıka Qurama Shtattary buǵan barynsha kómektese alady».

— Eger saılaý ótkizý qajet bolsa, onda kem degende saılaý protsesi men daýys berý kezinde atysty toqtatý qajet. Jáne bul talqylanýy kerek nárse. Ashyǵyn aıtqanda, Amerıka muny Reseı jaǵymen talqylaýy kerek dep sanaımyz, — dep qosty Ýkraına prezıdenti.

Ýkraınadaǵy kelesi prezıdent saılaýy 2024 jylǵa josparlanǵan bolatyn, biraq Reseı men Ýkraına arasyndaǵy qaqtyǵysqa baılanysty keıinge qaldyryldy.

Osy aptanyń basynda Aq úı prezıdenti Donald Tramp Ýkraınada jańa prezıdent saılaýyn ótkizýge shaqyryp, Vladımır Zelenskııdiń taǵy da jeńiske jetý múmkindigi bar ekenin atap ótti.

Osydan keıin Vladımır Zelenskıı qaýipsizdik máselesi saqtalǵan jaǵdaıda aldaǵy eki-úsh aıda prezıdent saılaýyn ótkizýge daıyn ekenin málimdedi.