Zelenskıı Ýkraına 2 maýsymda Ystanbulda ótetin kelissózderge qatysatynyn rastady

ASTANA. KAZINFORM — Delegatsııany Qorǵanys mınıstri Ýmerov basqarady, dep jazdy BBC agenttigi.

Vladımır Zelenskıı Ýkraına óz delegatsııasyn 2 maýsym, dúısenbi kúni Ystanbulda ótetin Reseı men Ýkraına arasyndaǵy kelissózderge jiberetinin rastady.

Delegatsııany Ýkraına Qorǵanys mınıstri Rýstem Ýmerov basqarady. Ol sondaı-aq mamyr aıynyń basynda ótken alǵashqy kelissózder raýndy kezinde ýkraın tarapynan kelissóz júrgizgen topty basqarǵan bolatyn.

Zelenskıı ýkraın delegatsııasynyń kelissózderdegi mindetterin bylaısha sıpattady:

— Birinshi — tolyq jáne sózsiz atysty toqtatý. Ekinshi — tutqyndardy bosatý. Úshinshi — urlanǵan balalardy qaıtarý. Al turaqty ári uzaq merzimdi beıbitshilik ornatý jáne qaýipsizdikti qamtamasyz etý úshin — joǵary deńgeıdegi kezdesýge daıyndyq júrgizý. Negizgi máselelerdi tek kóshbasshylar sheshýi múmkin, — dedi Zelenskıı.

Buǵan deıin habarlanǵandaı, Reseı men Ýkraına arasyndaǵy kelissózder 2 maýsym kúnge josparlandy.