Zelenskıı Túrkııada Qara teńizdegi qaýipsizdik kelissózi júrgiziletinin rastady

ASTANA. KAZINFORM — Ýkraına prezıdentiniń málimdeýinshe, Túrkııada Qara teńizdegi qaýipsizdik týraly kelissózge Ýkraına, Ulybrıtanııa, Frantsııa jáne Túrkııa ókilderi qatysyp jatyr, dep habarlaıdy VVS. 

Buǵan deıin Reseıdiń memlekettik aqparat agenttigi RIA Novostı derekkózge silteme jasap Ankarada Túrkııa áskerı vedomstvosynyń jetekshiligimen Qara teńizdegi qaýipsizdik máselelerine arnalǵan eki kúndik keńes ótip jatqanyn habarlaǵan.

Agenttik derekkózi oǵan sheteldik áskerı ókilder qatysyp jatqanyn, biraq olardyń arasynda reseılikter joq ekenin aıtty. 

Naýryz aıynyń sońynda Saýd Arabııasynda ótken úsh kúndik tikeleı emes kelissózde AQSh Reseı jáne Ýkraınamen Qara teńizdegi saýda kemelerine shabýyldy boldyrmaý jáne olardyń qaýipsiz qatynasyna kepildik berý máselelerin talqylady.

Ýkraına Qara teńizde qaýipsiz keme qatynasyn qamtamasyz etýge kelisti, alaıda Reseı taǵy da qosymsha talaptar qoıdy, olardyń biri Rosselhozbankke qarsy sanktsııalardy alyp tastaý boldy.

Buǵan deıin Ankarada Qara teńiz qaýipsizdigi máselesi talqylanatynyn jazǵan bolatynbyz.