Zelenskıı Tramptyń Gaza josparyn «tarıhı» dep atady

ASTANA. KAZINFORM — Prezıdent Zelenskıı Reseı men Ýkraına arasyndaǵy qaqtyǵysty toqtatý úshin osyndaı kelisim jasalatynyna úmittenedi, dep habarlaıdy Anadoly.

Ýkraına prezıdenti Vladımır Zelenskıı AQSh prezıdenti Donald Tramptyń Gaza sektoryndaǵy jaǵdaıdy retteý josparyn «tarıhı» dep atady. Ol bul týraly Fox News arnasynda málimdegen.

Zelenskıı amerıkalyq kóshbasshy Reseı men Ýkraına arasyndaǵy qaqtyǵysty toqtatý úshin de osyndaı kelisim jasaıtynyna úmittenedi. 

— Ol (Tramp — red.) Pýtınge qysymdy kúsheıtý jáne Ýkraınadaǵy soǵysty toqtatý úshin dál osyndaı quraldardy paıdalanady dep úmittenemin, — dedi Zelenskıı. 

Sondaı-aq Zelenskıı Tramppen ne týraly sóıleskenin aıtty.

— Reseı amerıkandyqtardyń bizge Tomagavktardy («raketa» - red.) berýi múmkin dep qorqatynyn kórip te, estip te júrmiz. Bul qysymnyń mundaı túri beıbitshilik úshin jumys isteı alatynynyń belgisi», — dedi Zelenskıı Telegram-da. 

Ýkraına basshysynyń aıtýynsha, ol Tramp ekeýi onyń komandalary energetıka men gazdy qosa alǵanda, barlyq negizgi máselelerdi talqylaıdy dep kelisti.

Eske salaıyq, Tramp pen Zelenskıı BUU Bas Assambleıasynyń 80-sessııasy aıasynda Nıý-Iork qalasynda kezdesti.

Sondaı-aq Zelenskıı Pýtınmen Qazaqstanda kezdesýge daıyn ekenin aıtty.