Zelenskıı Tramptan 30-50 jylǵa qaýipsizdik kepildigin surady

ASTANA.KAZINFORM - Ýkraına prezıdenti Vladımır Zelenskıı Florıdadaǵy kelissóz kezinde Aq úı prezıdenti Donald Trampqa osyndaı usynys jasady.

Bul týraly RBK-Ýkraına málimdedi.

- Men oǵan 30-40-50 jyldyq múmkindikti qarastyrǵymyz keletinin aıttym. Sonda bul prezıdent Tramptyń tarıhı sheshimi bolar edi. Prezıdent bul týraly oılanatynyn aıtty, - dedi Ýkraına basshysy.

Zelenskıı sonymen qatar Tramppen Ýkraınaǵa myqty qaýipsizdik kepildigi qajettigi týraly talqylaǵanyn aıtty.

Esterińizge sala keteıik, Tramp pen Zelenskıı bir kún buryn Florıdada kezdesti. Onda AQSh kóshbasshysy «kelisimge qol jetkizýdiń barlyq alǵysharty» bar ekenin jáne Reseı men Ýkraınanyń ekeýi de turaqty beıbitshilik ornatýǵa yntaly ekenin málimdedi.