Zelenskıı Tramppen Nıý-Iorkte kezdesýdi josparlap otyr

ASTANA. KAZINFORM – Ýkraına prezıdenti Vladımır Zelenskıı kelesi aptada Nıý-Iorkte BUU Bas assambleıasy aıasynda AQSh prezıdenti Donald Tramppen kezdesýdi josparlap otyrǵanyn málimdedi, dep habarlaıdy Kazinform «Interfaks-Ýkraına» agenttigine silteme jasap.

Onyń aıtýynsha, sapar baǵdarlamasynda ekijaqty kezdesýler bar. Sonyń ishinde Amerıka basshysymen de basqosý josparlanyp otyr. 

Zelenskıı kelissózderde Ýkraınanyń qaýipsizdik kepildigi, sondaı-aq Reseıge qarsy sanktsııalar talqylanatynyn túsindirdi. 

– Biz seriktesterimizdiń Ýkraınaǵa bere alatyn kepildikterin jáne Reseıge qarsy sanktsııalyq qysymdy kúsheıtý sharalaryn talqylaımyz, - dedi ol. 

Ýkraına kóshbasshysy birinshi hanymdar – onyń áıeli Olena Zelenska men Melanııa Tramptyń kezdesýi múmkin ekenin de málimdedi. Talqylaý taqyryby gýmanıtarlyq máseleler, ásirese balalardy qorǵaý máseleleri bolady. 

Buǵan deıin Pýtın Zelenskıımen kezdesýdi Máskeýde ótkizýdi usynǵanyn jazǵan edik.