Zelenskıı Tramppen kezdesý úshin AQSh-qa bardy

ASTANA. KAZINFORM — Vladımır Zelenskıı Vashıngtonǵa bardy. Ol aldymen AQSh-tyń qorǵanys jáne energetıka kompanııalarynyń ókilderimen, odan keıin prezıdent Donald Tramppen kezdesedi, dep jazdy DW.

Ýkraına prezıdenti Vladımır Zelenskıı beısenbi kúni keshke AQSh-qa bardy. Onyń ushaǵy Vashıngton mańyndaǵy Endrıýs áýe kúshteriniń bazasyna qondy.

Zelenskıı Telegram-da aldymen amerıkandyq qorǵanys kompanııalarynyń ókilderimen kezdesip, áýe shabýylyna qarsy qorǵanys júıeleriniń qosymsha jetkizilimderin talqylaýǵa nıetti ekenin jazdy. Budan keıin Ýkraına prezıdentiniń amerıkalyq energetıkalyq kompanııalardyń ókilderimen kezdesýi josparlanǵan.

— Qazir Reseı bizdiń energetıkalyq sektorymyzǵa qarsy terrorǵa súıenip, kúndelikti shabýyldar jasap jatqanda, biz Ýkraınanyń turaqtylyǵy úshin jumys istep jatyrmyz, — dedi Zelenskıı.

Sapar barysynda Vladımır Zelenskıı AQSh prezıdenti Donald Tramppen kezdesedi.

— Taıaý Shyǵystaǵy qaqtyǵysty aýyzdyqtaý isi Reseıdiń Ýkraınaǵa qarsy soǵysyn toqtatýǵa kómektesedi dep úmittenemiz», — dep jazdy Ýkraına prezıdenti. 

Sonymen qatar ol «Máskeý Tomagavk zymyrany týraly estigen boıda dıalogty qaıta bastaýǵa asyǵady» dep atap ótti.

Aıta keteıik, osyǵan deıin AQSh prezıdenti Donald Tramp Vladımır Zelenskııdi 17 qazan kúni Aq úıde qabyldaıtyny týraly jazǵan bolatynbyz.