Zelenskıı Tramppen arada «jaqsy áńgime» bolǵanyn habarlady

ASTANA.KAZINFORM - Ýkraına prezıdenti Vladımır Zelenskıı AQSh prezıdenti Donald Trampqa Ýkraınany qoldaǵany úshin alǵys bildirdi.

– Men AQSh prezıdenti Donald Tramppen sóılestim. Óte jaqsy áńgime boldy. Ýkraınany qoldaýǵa jáne adam óltirýdi toqtatyp, uzaq jáne ádil beıbitshilik jolynda birlesip jumys isteýdi jalǵastyrýǵa daıyn bolǵanyńyz úshin rahmet, - dep jazdy Vladımır Zelenskıı Facebook paraqshasynda.

Zelenskıı Tramptyń NATO Bas hatshysymen kezdesýi týraly jarııalaǵanyn habarlady.

– Biz beıbitshilikke qol jetkizý úshin barynsha ónimdi jumys isteýge daıynbyz. Biz telefon arqyly jıi habarlasyp, aldaǵy ýaqytta qadamdarymyzdy úılestirýge kelistik. Rahmet, Prezıdent myrza! Rahmet, Amerıka! – dedi Vladımır Zelenskıı.

Buǵan deıin Tramp Ýkraınaǵa amerıkalyq qarý jetkiziletinin málimdegen edi.

Onyń aldynda Tramp Reseıdi sanktsııamen qorqytty.