Zelenskıı Reseı-Ýkraın kelissózi týraly: Egemendik, aýmaqtyq tutastyq máselesi ózgerissiz qalady

KIEV. QazAqparat - Ýkraınanyń Reseı Federatsııasymen kelissózderdegi basymdyqtary ózgerissiz qalady – egemendik, aýmaqtyq tutastyq jáne qaýipsizdik máseleleri. Bul týraly dúısenbide Ýkraına prezıdenti Vladımır Zelenskıı málimdedi, dep habarlaıdy QazAqparat Ýkraın basshysynyń telegram kanalyna silteme jasap.

«Alda kelissózderdiń jańa raýndy, biz beıbitshilikti qalaımyz. Maǵan málim bolǵandaı, Túrkııa aýmaǵynda betpe-bet kezdesý múmkindigi paıda boldy. Bul jaman emes. Nátıjesin kóreıik. Bizdiń basymdyqtarymyz belgili. Ýkraınanyń egemendigi men aýmaqtyq tutastyǵy kúmánsiz. Memleketimiz úshin tıimdi qaýipsizdik kepildikteri mindetti. Bizdiń maqsatymyz da aıqyn – beıbitshilik pen qalypty ómirdi tez arada qalpyna keltirý», - dedi Zelenskıı vıdeo úndeýinde.

Eske salsaq, Reseı delegatsııasynyń basshysy, prezıdent kómekshisi Vladımır Medınskıı Reseı men Ýkraına delegatsııalary kelissózderdiń kezekti raýndyn 29-30 naýryzda ótkizý týraly sheshim qabyldaǵanyn habarlaǵan bolatyn.

Buǵan deıin de eki el arasynda birneshe kelissóz ótkizildi, biraq aıtarlyqtaı nátıje bolǵan joq.