Zelenskıı Reseı men Ýkraına arasyndaǵy kelissózder qashan ótetinin aıtty
ASTANA. KAZINFORM – Vladımır Zelenskıı Ýkraına Ulttyq qaýipsizdik jáne qorǵanys keńesiniń basshysy Rústem Ýmerovtyń málimdemesine silteme jasap, Reseı men Ýkraına delegatsııalarynyń kelesi kezdesýi 23 shildege josparlanǵanyn atap ótti.
TASS aqparat agentiginiń habarlaýynsha, kezdesý Túrkııada ótedi.
– Búgin men Rústem Ýmerovpen tutqyndardy almasýǵa daıyndyq jáne Túrkııadaǵy reseılik tarappen taǵy bir kezdesýdi talqyladym. Ýmerov kezdesý sársenbige josparlanǵanyn aıtty. Tolyq aqparat erteń jarııalanady, - dedi Zelenskıı vıdeoúndeýinde.
Munyń aldynda Ýkraına prezıdenti Telegram-daǵy arnasynda jarııalaǵan beıneúndeýinde Reseı tarapyna osy aptada kelissózderdiń jańa raýndyn ótkizý týraly usynysty Ystanbuldaǵy kelissózderde Kıev delegatsııasynyń basshysy Ýmerov usynǵanyn atap ótken bolatyn.
Eske sala keteıik, buǵan deıin Ýkraına Reseıge kelissózderdi kelesi aptada jańǵyrtýdy usynǵanyn habarlaǵan edik.