Zelenskıı Pýtınmen Qazaqstanda kezdesýge daıyn ekenin aıtty

ASTANA. KAZINFORM – Ýkraına prezıdenti Vladımır Zelenskıı Reseı prezıdenti Vladımır Pýtınmen Qazaqstanda kezdesýge daıyn ekenin málimdedi.

Bul týraly Ýkraına basshysy Fox News arnasyna bergen suhbatynda aıtty.

Júrgizýshi Zelenskıden Reseı basshysymen qaıda kezdesýi múmkin ekenin surady. Ýkraına basshysy kelissózge ashyq ekenin aıtyp, kezdesý ótkizýge bolatyn birneshe eldi atady.

- Bizdiń komandalar Túrkııa, Saýd Arabııasy, Qatar jáne Aýstrııa men Shveıtsarııa sııaqty beıtarap Eýropa elderinde kezdesýler ótkizýdi usyndy. Biz: «Eger qalasańyz, biz muny Qazaqstanda jasaı alamyz, biz daıynbyz» dedik, - dedi Zelenskıı suhbatynda.

Eske sala ketsek, BUU Bas Assambleıasynyń 80-shi sessııasy alańynda Qasym-Jomart Toqaev Vladımır Zelenskıımen kezdesti.