Zelenskıı men Tramptyń kezdesýi 28 jeltoqsanda ótedi
ASTANA. KAZINFORM - Zelenskııdiń keńsesi onyń Tramppen kezdesýi 28 jeltoqsanda Florıdada ótetinin rastady, dep habarlaıdy DW.
20 tarmaqtan turatyn Ýkraına boıynsha beıbitshilik josparynyń 90 paıyzy daıyn.
Bul týraly 26 jeltoqsan, juma kúni Ýkraına prezıdenti jýrnalıstermen onlaın baılanys kezinde málimdedi.
Ýkraına basshysynyń aıtýynsha, 28 jeltoqsanda AQSh prezıdenti Donald Tramppen kezdesý barysynda ol Kıevtiń qaýipsizdik kepildikterine qatysty qujattar blogyn talqylaýǵa nıetti.
Vladımır Zelenskıı sonymen qatar Ýkraınada prezıdenttik saılaý men referendým ótkizý boıynsha zańnamalyq bastamalar bar ekenin atap ótti. Osyǵan baılanysty basty másele qaýipsizdikti qamtamasyz etý bolyp qala beredi.
Ýkraına prezıdenti kelissózderge qatysatyn barlyq tórt taraptyń — Ýkraına, AQSh, Reseı jáne Eýropalyq odaqtyń kelisiminsiz túpkilikti beıbitshilik kelisimine qol qoıýǵa bolmaıtynyn atap ótti.
2025 jyly Vladımır Zelenskıı AQSh-qa Aq úı basshysymen kelissóz júrgizý úshin úsh ret bardy, sońǵycy 17 qazanda boldy.
Esterińizge sala keteıik, 20 jeltoqsanda Maıamıde AQSh pen Ýkraınanyń eki kúndik kelissózi aıaqtaldy.
Buǵan deıin Zelenskıı Tramptyń Ýkraınadaǵy beıbitshilik josparynyń mazmunyn jarııalady.
Ýkraına prezıdenti Vladımır Zelenskıı jaqyn arada AQSh prezıdenti Donald Tramppen kezdesetinin málimdegen edi.