Vens Ýkraına prezıdentin AQSh-qa qurmetsizdik tanytty dep aıyptady

ASTANA. KAZINFORM - Aq úıde Ýkraına prezıdenti Vladımır Zelenskıı men AQSh prezıdenti Donald Tramptyń kezdesýi ótip jatyr.

Jýrnalısterdiń aıtýynsha, Vladımır Zelenskıı, AQSh vıtse-prezıdenti Djeı Dı Vens pen Donald Tramp daýlasty.

Vens Zelenskııdi qurmetsizdik tanytty dep aıyptady. Tramp osydan soń Ýkraına basshysynyń «Úshinshi dúnıejúzilik soǵyspen oınap otyrǵanyn» aıtty.

- AQSh-qa kelip, ózińizdiń elińizdiń qıraýynyń aldyn alǵaly otyrǵan memlekettiń ákimshiligine shabýyldaýdy Siz qurmetke laıyqty dep esepteısiz be?, - dep surady Vens.

Tramp:

- Siz qazir yńǵaıly pozıtsııada emessiz, Sizdiń kózirińiz joq. Al bizben birge Sizde kózir bolady. Siz mıllıondaǵan adamnyń ómirin táýekelge tigip otyrsyz. Siz úshinshi dúnıejúzilik soǵystyń tutynýyna qaýip týdyryp otyrsyz -

Kezdesýdiń alǵashqy jarııa bóligi Tramptyń Zelenskııdi jetkilikti rızashylyq bildirmeı otyrǵanyn synaýymen aıaqtaldy.

- Bul televızııa úshin keremet shoý bolatyn boldy, - dep qosty ol.

Al ÝNIAN agenttigi Venstiń «Sizde adam, erler jetispeıdi» degen sózine nazar aýdardy.

- Siz kelip, óz kózińizben kórińiz, - dep jaýap qatty Zelenskıı.

- Siz rahmet aıtýyńyz kerek, qolyńyzda qajetti karta joq, sizdiń áskerińiz bitýge taıaý, - degen Tramp atysty toqtatýdy tabandy talap etti.

AQSh basshysynyń bul sózine Zelenskıı óziniń karta oınaý úshin kelip otyrmaǵanyn alǵa tartty.

Osyǵan deıin Tramp Reseı áskerin shyǵarý máselesine qatysty jaýap bergen edi.