Zelenskıı men AQSh delegatsııasy arasyndaǵy kelissóz 5 saǵattan asa ýaqytqa sozyldy

ASTANA. KAZINFORM — Ýkraına men AQSh Berlındegi kelissózderde «mańyzdy ilgerileý» jasady. Bul týraly AQSh arnaıy elshisi Stıven Ýıtkoff aıtty, dep habarlaıdy DW.

AQSh arnaıy elshisi Stıven Ýıtkofftyń aıtýynsha, Ýkraınadaǵy atysty toqtatý múmkindigi týraly Berlınde ótken kelissózder bes saǵattan astam ýaqytqa sozyldy. Oǵan AQSh prezıdentiniń kúıeý balasy jáne keńesshisi Djared Kýshner jáne Ýkraına prezıdenti Vladımır Zelenskıı de qatysty.

— Kelissózder barysynda taraptar 20 tarmaqtan turatyn beıbitshilik josparyn, ekonomıkalyq máselelerdi jáne basqa da taqyryptardy talqylady, — dep jazdy Ýıtkoff óziniń áleýmettik jelidegi paraqshasynda.

Erteń jańa kezdesý ótedi.

Germanııa kantsleri Frıdrıh Merts talqylaýlardyń basynda qatysqan, keıin dpa agenttiginiń málimeti boıynsha, kezdesýden ketip, óz ókiline tapsyrǵan.

Budan buryn Berlınde Zelenskıı men AQSh delegatsııasynyń kelissózi ótip jatqanyn jazǵan edik.