Zelenskıı Qytaıdyń bes kompanııasyna qarsy sanktsııalar engizdi

KIEV. KAZINFORM – Ýkraına prezıdenti Vladımır Zelenskıı Qytaıdyń bes kompanııasyna qarsy sanktsııalar engizý týraly Jarlyqqa qol qoıdy. Tıisti qujat onyń resmı saıtynda jarııalandy, dep jazady TASS.

Tizimde Qytaı Halyq Respýblıkasynda tirkelgen bes zańdy tulǵanyń ataýy kórsetilgen. Shekteýler merzimi – on jyl. Sanktsııalar aıasynda aktıvterdi buǵattaý, saýda operatsııalaryn júrgizýge jáne aktıvterdi Ýkraınadan shyǵarýǵa tyıym salý, lıtsenzııalardy – sonyń ishinde jer qoınaýyn paıdalanýǵa ruqsattardy qaıtaryp alý jáne taǵy basqa sharalar qarastyrylǵan.

Buǵan deıin Tramp pen Zelenskııdiń Ýkraınaǵa áýe shabýylyna qarsy qorǵanys júıelerin jetkizýdi talqylaǵanyn jazdyq.