Zelenskıı Eýropanyń birqatar kóshbasshylary men laýazymdy tulǵalaryn marapattady

ASTANA. KAZINFORM — Ýkraınanyń Táýelsizdik kúnine oraı Vladımır Zelenskıı birqatar eýropalyq kóshbasshylar men laýazymdy tulǵalardy marapattady, dep jazdy Kazinform agenttiginiń tilshisi.

Ýkraına Prezıdentiniń jarlyǵyna sáıkes, ıAroslav Danagóıdiń І dárejeli ordenimen kelesi tulǵalar marapattaldy:

• Eýropalyq Odaqtyń qorǵanys jáne ǵarysh máseleleri jónindegi komıssary Andrıýs Kýbılıýs,

• Portýgalııa Prezıdenti Marselý Rebelý de Soýza,

• Chehııa Prezıdenti Petr Pavel,

• Horvatııa Premer-mınıstri Andreı Plenkovıch,

• Moldova Premer-mınıstri Dorın Rechan,

• Fınlıandııa Prezıdenti Aleksandr Stýbb,

• Norvegııa Premer-mınıstri Ionas Gar Stere,

• Nıderland Premer-mınıstri Dık Shof.

Zelenskıı olardyń:

• memleketaralyq yntymaqtastyqty nyǵaıtýǵa,

• Ýkraınanyń memlekettik egemendigi men aýmaqtyq tutastyǵyn qoldaýǵa,

• qaıyrymdylyq qyzmetke,

• Ýkraınany halyqaralyq deńgeıde tanytýǵa qosqan jeke úlesin erekshe atap ótti.

Sonymen qatar, Zelenskıı Eýropa Keńesiniń Bas hatshysy Alen Berseni «Eńbegi úshin» І dárejeli ordenimen marapattady.

Osy ordenge sondaı-aq AQSh Prezıdentiniń arnaıy ókili Kıt Kellog ta ıe boldy. Ol Kıevke kelip, Ýkraınanyń Táýelsizdik kúnine arnalǵan Sofııa alańyndaǵy saltanatty is-sharalarǵa qatysty.

Sondaı-aq Ýkraınaǵa Kanada Premer-mınıstri Mark Karnı kelip, Kanada Ýkraınany qoldaýǵa 1 mıllıard kanadalyq dollar kóleminde áskerı kómek bóletinin málimdedi.

Buǵan deıin Donald Tramptyń aldaǵy eki aptada Ýkraınaǵa qatysty jaǵdaıdy baǵalaıtyny habarlanǵan bolatyn.

Aıta keteıik, búgin Memleket basshysy Ýkraına Prezıdentine quttyqtaý jedelhatyn joldady.