Zelenskıı Eýrokomıssııa jáne Frantsııa, Ulybrıtanııa, Italııa basshylarymen kezdesti

ASTANA. KAZINFORM – Rım Papasyn jerleý rásimi barysynda AQSh prezıdenti Donald Tramppen kezdesken soń Ýkraına prezıdenti Rımde Frantsııa prezıdenti Emanıýel Makron, Ulybrıtanııa premer-mınıstri Kır Starmermen júzdesti, dep habarlaıdy DW.

- Ýkraına sózsiz atysty toqtatýǵa daıyn. Zelenskıı búgin osy sózin taǵy qaıtalady. Ol osy jospardy júzege asyrý úshin amerıkalyqtarmen jáne eýropalyqtarmen birge jumys istegisi keledi, dep jazdy búgin Makron kezdesý qorytyndysy boıynsha H áleýmettik jelisinde.

Brıtanııa úkimeti Starmer men Zelenskıı ádil jáne myqty beıbitshilik jolyndaǵy sońǵy kúnderi bolǵan jetistikterdi talqylaǵanyn jáne osy qarqyndy saqtaýǵa kelisti, dep habarlady.

Sonymen qatar Zelenskıı Eýrokomıssııa basshysy Ýrsýla fon der Lıaıenmen kezdesti, áńgime jarty saǵatqa jýyq ýaqytqa sozylǵan. Osy kezdesýden soń fon der Lıaıen H áleýmettik jelisinde Eýropa Ýkraınany beıbitshilikke umtylys jolynda árdaıym qoldaıtynyn jazdy.

Eýrokomıssııa basshysy sonymen qatar kezdesý barysynda memlekettiń eýropalyq halyqtar otbasynda óziniń laıyqty ornyn alý baǵytynda jasaǵan qadamy talqylanǵanyn da aıtyp ótti.

Zelenskıı Italııa premer-mınıstri Djordja Malonımen kezdesip, óz kezeginde ol atysty sózsiz toqtatýǵa shaqyrǵan.

Búgin Tramp pen Zelenskıı Rım papasyn jerleý aldynda kezdesip, AQSh prezıdenti ony nátıjeli boldy dep málim etti.