Zelenskıı Býdapeshtte Tramp pen Pýtınniń kezdesýine qatysýǵa daıyn

ASTANA. KAZINFORM — Ýkraına prezıdenti Vladımır Zelenskıı NBC News arnasynyń «Baspasózben kezdesý» baǵdarlamasynyń júrgizýshisi Krısten Ýelkerge bergen eksklıýzıvti suhbatynda Reseı prezıdentimen kezdesýge daıyn ekenin rastady, dep habarlaıdy NBC News. 

— Eger biz shynymen ádil jáne turaqty beıbitshilikti qalasaq, bizge bul qaıǵyly jaǵdaıdyń eki jaǵy da qajet. Bizdiń qatysýymyzsyz qandaı da bir mámileler qalaı jasalýy múmkin? — dedi Vladımır Zelenskıı suhbatynda.

Buǵan deıin Tramp pen Pýtın Ýkraına boıynsha kelissózdiń ekinshi raýndyn ótkizý úshin Majarstanda kezdesetinin jazǵan edik. 

Aq úı basshysynyń aıtýynsha, Qurama Shtattar ókilderimen alǵashqy kezdesýlerdi memlekettik hatshy Marko Rýbıo jáne esimderi keıin jarııalanatyn birqatar tulǵa qatysady.

Eske sala ketsek, tamyz aıynda Ankorıdjdegi (Alıaska shtaty) «Elmendorf-Rıchardson» áskerı bazasynda úsh saǵatqa jýyq ýaqyt kelissóz júrgizgen Tramp pen Pýtın kelisimge kele almaǵan edi.