Zelenskıı Alıaskadaǵy kelissózderdiń basty taqyryby atysty toqtatý bolady dep úmittenedi
ASTANA. KAZINFORM – Vladımır Zelenskıı Vladımır Pýtın men Donald Tramptyń Alıaskadaǵy kelissózderiniń basty taqyryby atysty toqtatý bolady dep úmit bildirdi, dep habarlaıdy Kazinform agenttigi.
Donald Tramp, Vladımır Zelenskıı jáne Eýropa elderiniń basshylary qatysqan beınekonferentsııa aıaqtaldy. Onda Ýkraına aýmaqtaryna qatysty máseleler talqylandy.
— Biz búgin osy máselelerdi de talqyladyq. Árıne, bul óte kúrdeli másele. Biz Alıaskadaǵy kezdesýdi aıttyq. Kelissózderdiń basty tarmaǵy atysty toqtatý bolady dep úmittenemiz, — dedi ol Germanııa kantsleri Frıdrıh Mertspen birlesken baspasóz máslıhatynda.
DW dereginshe, beınekonferentsııa barysynda eýropalyq kóshbasshylar AQSh prezıdenti Donald Trampty Vladımır Pýtınmen kezdesýde Kıev pen Eýropanyń qaýipsizdik múddelerin qorǵaýǵa shaqyrdy.
— Ózgeristerge úmit bar, Ýkraınada beıbitshilikke úmit bar, — dep atap ótti Germanııa kantsleri Frıdrıh Merts.
Sonymen birge, Germanııa kantsleri yqtımal kelissózderdiń naqty retin talap etti: aldymen atysty toqtatý rejımi jasalýy tıis, al keıingi kezdesýlerde Kıev kelissózder ústelinde otyrýy qajet.
— AQSh prezıdenti Donald Tramp endi Ýkraınadaǵy beıbitshilik jóninde kelissózderdi bastaǵysy keledi. Juma kúni ol Reseı prezıdenti Pýtınmen Alıaskada kezdesedi. Ankorıdjde mańyzdy sheshimder qabyldanýy múmkin, — dep qosty Merts Vladımır Zelenskıımen Berlındegi birlesken baspasóz máslıhatynda.
Onlaın-kezdesýdiń qorytyndysy jaıly Eýropalyq komıssııa tóraıymy Ýrsýla fon der Lıaıen de pikir bildirdi.
— Búgin biz AQSh prezıdenti Donald Tramppen, eýropalyq kóshbasshylarmen jáne Vladımır Zelenskıımen óte jaqsy áńgime ótkizdik. Biz Alıaskadaǵy aldaǵy ekijaqty sammıt týraly pikir almastyq. Yntymaqtastyqty úılestirýdi jalǵastyrýǵa kelistik, — dep jazdy ol X áleýmettik jelisinde.
Together with @POTUS, @ZelenskyyUa and other European leaders, we have had a very good call.
— Ursula von der Leyen (@vonderleyen) August 13, 2025
We exchanged on the upcoming bilateral meeting in Alaska.
Today Europe, the US and NATO have strengthened the common ground for Ukraine.
We will remain in close coordination. Nobody…
Aıta ketelik Pýtın men Tramp Ankorıdjdegi áskerı bazada kezdesedi.