Zelenskıı AQSh-pen kelissózdiń kelesi kezeńin jarııalady

ASTANA. KAZINFORM — Ýkraına delegatsııasy Reseı men Ýkraına arasyndaǵy qaqtyǵysty toqtatý boıynsha kelissózdiń jańa kezeńine qatysý úshin AQSh-qa attandy, dep málimdedi Vladımır Zelenskıı. Kelissóz 21 naýryzda ótedi, dep habarlaıdy DW. 

Vladımır Zelenskıı keshki sózinde qaqtyǵysty toqtatý boıynsha kelissózdiń kelesi kezeńi 21 naýryzda ótetinin málimdedi. Onyń aıtýynsha, Kıevtiń kelissóz toby AQSh-qa attanyp úlgerdi. 

— Amerıka tarapynan qoldanystaǵy kelissóz formattary aıasynda jumys isteýge daıyn ekeni týraly sıgnaldar kelip tústi, — dedi Zelenskıı.

Ol qaqtyǵysty toqtatý boıynsha dıplomatııalyq kúsh-jigerde úzilis ornaǵanyn, biraq endi «ony toqtatý ýaqyty kelgenin» rastady.

— Biz kelissózdiń shynymen mazmundy bolýyn qamtamasyz etý úshin qoldan kelgenniń bárin jasap jatyrmyz. Ýkraınalyq komanda — kelissóz tobynyń saıası bóligi jolǵa shyqty, biz osy senbide Amerıka Qurama Shtattarynda kezdesý ótkenin kútemiz, — dep jalǵastyrdy Ýkraına prezıdenti.

Kelissóz tobyna Ýmerov, Býdanov jáne Arahamııa kiredi.

Vladımır Zelenskııdiń aıtýynsha, sol kúni ol delegatsııa músheleri — Ýkraına Ulttyq qaýipsizdik jáne qorǵanys keńesiniń (UQKK) hatshysy Rústem Ýmerov, Prezıdent keńsesiniń basshysy Kırıll Býdanov jáne parlamenttegi «Halyq qyzmetshisi» fraktsııasynyń tóraǵasy Davıd Arahamııamen elissózdi egjeı-tegjeıli talqylady. Budan basqa, kezdesýge PK basshysynyń birinshi orynbasary Sergeı Kıslıtsa qatysady.

Osyǵan deıin AQSh Ýkraına jáne Reseımen úshjaqty kezdesýdi keıinge qaldyrýdy usynǵanyn habarladyq.