Zeketti termınal arqyly aýdarýǵa bolady
ASTANA. 20 shilde. QazAqparat - Atyraý oblystyq «Imanǵalı» ortalyq musylmandar meshitiniń uıymdastyrýymen jýyrda sadaqa beremin deýshilerge arnalyp OSMP (Qiwi) arnaıy tólem termınaldary ornatyldy,
dep habarlady Qazaqstan musylmandary dinı basqarmasynyń baspasóz qyzmetinen.
Bul «Zeket» qoryna qarajat aýdarýdy jeńildetý maqsatynda jasalyp otyrǵan, ári elimizdegi meshitterdiń ishinde Atyraý qalasyndaǵy «Imanǵalı» ortalyq meshiti alǵashqy bolyp júzege asyryp otyrǵan ıgi bastama. Endi jeke jáne zańdy tulǵalar qordyń esep-shotyna bank arqyly qarjy aýdarýmen qatar, zeketin termınaldar arqyly da aýdara alady.
«Bul Islamnyń bes paryzynyń biri - zeket ǵıbadatyn oryndap, resmı ári senimdi qarajat aýdarý múmkindigi. Osylaısha bes ýaqyt namazǵa jáne qasıetti Juma namazyna kelgen halyq qalaǵan ýaqytynda Zeket qoryna esh qıyndyqsyz, ýaqytqa táýeldi bolmaı aqsha aýdara alady. Alla Taǵala barshamyzdyń zeketimizdi qabyl etkeı!», - delingen Qazaqstan musylmandary dinı basqarmasynyń aqparatynda.
