Zeket qorynyń jańa úlgidegi saıty iske qosyldy
ASTANA. 2 naýryz. QazAqparat - «QMDB Zeket qory» Korporatıvtik qory 2011-shi jyldyń 3-shi mamyrynda Ádilet mıınstrliginde tirkelip, qazirgi ýaqytta maqsaty men mindetterine sáıkes jumys jasap keledi.
Qazaqstan musylmandary dinı basqarmasynyń málimetinshe, qorǵa baılanysty qajetti aqparattar men málimetter adamdarǵa qoljetimdi bolýy úshin Zeket qorynyń alǵashqy saıty 2011-shi jyldyń 8-shi tamyz kúni ashylyp, ol jerge qor týraly aqparat engizildi. Qazir arnaıy tapsyryspen saıttyń jańa, damytylǵan nusqasy jasaldy. Saıttyń jańa úlgisinde qor týraly aqparatpen qosa zeket-kalkýlıatory, suraq-jaýap sııaqty bólimder qosylyp, qorǵa qaı óńirden qarajat túskenin Qazaqstannyń kartasynda kórsetetin múmkindik engizildi.
Saıttyń jańa úlgisimen www.zeket.org.kz saıtyna kirip tanysýǵa bolady. Saıtqa nemese qorǵa baılanysty suraqtaryńyz bolsa zeketkz@mail.ru jáne info@zeket.org.kz elektrondyq adresine hat-habar jiberý múmkindigi bar.
