Іzdeýde júrgen eki Qazaqstan azamaty Túrkııada ustaldy
ASTANA. KAZINFORM - Ulttyq qaýipsizdik komıteti jáne Іshki ister mınıstrligi Túrkııanyń quqyq qorǵaý organdarymen ózara árekettesip, izdeýde júrgen eki Qazaqstannyń azamatyn ustady. Bul týraly UQK baspasóz qyzmeti málimdedi.
Komıtettiń málimetinshe, kúdiktiler altynnyń ekonomıkalyq kontrabandasyn, sondaı-aq transulttyq uıymdasqan qylmystyq top qurǵan.
«Ulttyq qaýipsizdik komıteti jáne Іshki ister mınıstrligi Túrkııanyń quqyq qorǵaý organdarymen ózara árekettese izdeýde júrgen eki Qazaqstannyń azamatyn ustady jáne 2024 jylǵy 3 sáýirde Stambýl qalasynan Almaty qalasyna etappen jiberildi. Olar asa iri mólsherde altynnyń ekonomıkalyq kontrabandasyn, sondaı-aq transulttyq uıymdasqan qylmystyq top qurdy jáne basshylyq jasady degen kúdikpen Tergeý ızolıatoryna qamaldy», - delingen habarlamada.
Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.