Іzdeý jarııalanǵan Dana Ormanbaevaǵa qatysty naqty aqparat joq - Bas prokýratýra
ASTANA. KAZINFORM — Bas prokýrordyń orynbasary Ǵalymjan Qoıgeldıev qazaqstandyq jýrnalıst Dana Ormanbaevaǵa qatysty jarııalanǵan halyqaralyq izdeý boıynsha pikir aıtty.
- Oǵan 174-bap boıynsha aıyp taǵylyp, izdeý jarııalandy. Sondyqtan onyń qaıda ekenin anyqtaý úshin barlyq tergeý amaldary bastaldy. Interpol osy bul jumyspen aınalysyp jatyr. Onyń dál qazir qaıda ekenin naqty aıta almaımyn. Áleýmettik jelide ol Birikken Arab Ámirlikterinde dep aıtylyp jatyr. Ázirge, bizde naqty senimdi aqparat joq, - dedi Ǵalymjan Qoıgeldıev Parlament Májilisinde tilshiler suraǵyna jaýap bere otyryp.
Eske salaıyq, 2024 jyldyń sáýirinde Almaty polıtsııasy qoǵam belsendisi Dana Ormanbaevanyń áleýmettik jelidegi jazbalaryna qatysty qylmystyq is qozǵaǵan bolatyn.