Іzdeý jarııalanǵan adamdardy jasandy ıntellekt anyqtap jatyr – Bas prokýratýra

ASTANA. KAZINFORM – Jasandy ıntellekt pen big data prokýratýra qyzmetinde qalaı qoldanyla bastady? Bul suraqqa Kazinform agenttiginiń BIZDIÑ ORTA podkastynda QR Bas Prokýrorynyń orynbasary Jandos Ómirálıev jaýap berdi.

– Qazirgi tańda biz jasandy ıntellektini engizý boıynsha pılottyq joba júrgizip jatyrmyz. Ol, eń aldymen, qylmysty der kezinde anyqtaýǵa jáne aldyn alýǵa baǵyttalǵan. Qaladaǵy keıbir kameralarǵa jasandy ıntellekt ornatyldy. Kamera joq jerlerde drondar kómekke keledi. Osy qurylǵylarǵa da jasandy ıntellekt engizildi, – dedi J. Ómirálıev.

Onyń aıtýynsha, júıe buzaqylyq áreketterdi, tóbelesti, qarý ustaǵan adamdy avtomatty túrde anyqtaıdy jáne dereý habarlama beredi.

- Іzdeýde júrgen, probatsııada tirkeýde turǵan nemese úıqamaqtaǵy azamattardyń tizimi tsıfrlandyrylyp, jasandy ıntellekt júıesine qosylǵan. Eger bul adamdar kóshede júrse, júıe birden belgi beredi, – dep túsindirdi Bas Prokýrordyń orynbasary.

Eske salsaq, bıyl sáýir aıynda Bas Prokýrordyń orynbasary Ǵalymjan Qoıgeldıev izdeýde júrgen kúdiktilerge qatysty pikir aıtty.