Zaısannyń 9 aýylyna gaz keledi

ASTANA. QazAqparat - Shyǵystaǵy Zaısannyń toǵyz aýylyna 18 maýsym kúni gaz keledi. Bul týraly oblystyq ákimdikte ótken keńeıtilgen jıynda oblys ákiminiń orynbasary Serik Aqtanov aıtty, dep habarlaıdy Altaınıýs.

Zaısanyń aýyldaryna gaz tartylady dep 2013 jyldan beri aıtylyp keledi. Endi mine 5 jyldan keıin qolǵa alynǵan sharýa da óz máresine taıaǵan sııaqty.

Serik Aqtanovtyń aıtýynsha, negizgi tehnıkalyq jumystar aıaqtalyp, qazir qubyrlar aýa toltyrý arqyly synaqtan ótkizilý ústinde eken. 18 maýsymnan bastap Zaısan aýylynyń toǵyz aýyly kógildir otynǵa qol jetkizetin boldy.

Oblys ákimi Danıal Ahmetov «Nur Otan» partııasynyń óńirlik fılıalyna atalmysh jobany baqylaýda ustaýdy tapsyrdy.