Zaısandaǵy órt: 100-ge jýyq erikti tartyldy

ÓSKEMEN. KAZINFORM — Shyǵys Qazaqstan oblysy Zaısan aýdanynda qamys pen shópti sharpyǵan jalynmen kúres jalǵasyp jatyr. 

Oqıǵa ornynda órt sóndirýshilerden bólek 200-den astam adam jumys istep jatyr. Olardyń ishinde 100 erikti jáne 100 jergilikti atqarýshy organ qyzmetkeri bar.

— Órt oshaǵy eldi mekenderden alys, jetý qıyn aımaqta ornalasqan. Halyqqa jáne turǵyn úılerge qaýip joq. Jaǵdaı baqylaýda, órtti sóndirý jumystary jalǵasyp jatyr. Biz turaqty monıtorıng júrgizip otyrmyz jáne qajet bolǵan jaǵdaıda qosymsha kúsh tartamyz. Turǵyndardan sabyr saqtap, tek resmı derekkózderdiń aqparatyna senýdi suraımyz, — dedi Zaısan aýdany ákiminiń orynbasary Rıshat Ramazanov.

ShQO ákimi Nurymbet Saqtaǵanovtyń tapsyrmasymen oqıǵa ornyna onyń orynbasary Baqytjan Baıahmetov bardy. Ol jaǵdaıdy jeke baqylaýda ustap, órtti joıý sharalaryn úılestirmek.

— Qazirgi ýaqytta arnaıy qurylǵan jedel top quramynda órt sóndirýshiler, kommýnaldyq qyzmetkerler jáne tabıǵat apatynyń saldaryn joıýǵa kómektesýge daıyn jergilikti turǵyndar bar. Kúshti jeldiń saldarynan órttiń ári qaraı taralý qaýpi bar, — dep habarlady oblystyq TJD-dan.

Eske salsaq, osyǵan deıin Zaısan aýdanynda qamys órtengeni jaıly jazǵanbyz. 

Órtti aýyzdyqtaýǵa tikushaq tartylǵan.