Zaısanda salynyp jatqan áýejaı jazda iske qosylady
ASTANA. KAZINFORM – Úkimet otyrysynda Kólik mınıstri Nurlan Saýranbaev Prezıdent tapsyrmasy boıynsha salynyp jatqan úsh áýejaıdyń jaǵdaıy týraly málimet berdi.
- Memleket basshysynyń tapsyrmasyna sáıkes, bıyl Katonqaraǵaı, Zaısan jáne Kendirli kýrorttyq aımaqtaryndaǵy týrıstik áýejaılardyń qurylysy, sondaı-aq Arqalyq qalasynyń áýejaıyn qalpyna keltirý jumysy aıaqtalady. Osy týrıstik maýsymda Zaısan áýejaıy alǵashqy reısterdi qabyldaıdy, - dedi ol.
Nurlan Saýranbaev bıyl Pavlodar áýejaıynyń ushý-qoný jolaǵy qaıta jańǵyrtylatynyn eske saldy.
- Aqtaý áýejaıynyń perronyn jóndeý jáne Atyraý áýejaıy termınalyn jańartý bastalady, - dedi mınıstr.
Eske salsaq, buǵan deıin Kólik vıtse-mınıstri Talǵat Lastaev Katonqaraǵaı, Zaısan jáne Kendirli áýejaılaryn túgel 2026 jyly qoldanysqa beretinin aıtqan bolatyn.