Zaısan men Katonqaraǵaıdaǵy jańa áýejaılar kóktemde alǵashqy reısterdi qabyldaı bastaıdy

ASTANA. KAZINFORM – Shyǵys Qazaqstan oblysynyń ákimi Nurymbet Saqtaǵanov «Jibek Joly» arnasynyń «Ýáde» baǵdarlamasynda Zaısan jáne Katonqaraǵaı aýdandarynda Prezıdent tapsyrmasy boıynsha salynyp jatqan áýejaılardyń qurylysy qaı satyǵa jetkenin aıtty.

- Qurylystar ýaqytynda bastalǵan. Qazir ushý jáne aınalma jolaqtary salynyp bitti. Endi ǵımarattary salynyp jatyr. Jyl aıaǵyna deıin ushaq qabyldaıtyn jaǵdaıǵa jetemiz. Biraq biz kelesi jyldyń kókteminde, týrızm maýsymy bastalǵan kezde týrıster Katonqaraǵaı men Zaısanǵa kele bastaıdy, - dedi ákim.

Nurymbet Saqtaǵanov áýejaılar shekaralyq aýdandardyń áleýetin arttyratynyna senip otyr.

- Bul sheteldik týrısterdiń kelýin jeńildetip qana qoımaı, otandyq týrısterdiń 80-90 adamdyq ushaqtarmen qatynaýyn jeńildetedi. Bul eki áýejaı týrızmniń damýyna úlken úles qosaıyn dep tur, - dedi oblys ákimi.

Osyǵan deıin Nurymbet Saqtaǵanovtyń ShQO ekonomıkasy «Qaztsınkke» táýeldi kúıge túskeni týraly aıtty.