Zaısan kólinde balyq qyrylmas úshin muz oıylyp jatyr

ÓSKEMEN. KAZINFORM — Shyǵys Qazaqstan oblysyndaǵy Zaısan kólinde otteginiń jetispeýshiliginen balyqtyń jappaı qyrylýyna jol bermes úshin aeratsııalyq jumystar qolǵa alyndy.

Jumystar kóldiń sol jaǵalaýynda, ıaǵnı Tarbaǵataı aýdany Tuǵyl aýyly mańyndaǵy «Solenoe» ýchaskesinde bastaldy. Munda Zaısan balyq ınspektsııasynyń qyzmetkerleri men eriktiler muzdy arnaıy quraldarmen burǵylap, oıyqtar jasady.

Osyndaı oıyqtar arqyly sýǵa aýaǵa kirip, muz astyndaǵy otteginiń qajetti deńgeıi saqtalady.

— Bul shara dástúrli túrde qystyń sońynda júrgiziledi. Dál osy kezeńde sý aıdyndarynda ottegi tapshy bolyp, balyqtyń jappaı qyrylý qaýpi týyndaıdy, — dep habarlady oblys ákimdiginiń baspasóz qyzmetinen.

Jumys barysynda burǵylanǵan oıyqtarǵa qamys shoqtary ornatylady. Olar otteginiń sýǵa birtindep ótýine múmkindik beredi.

Mamandardyń aıtýynsha, osyndaı aldyn alý sharalary óńirdiń sý aıdyndarynda jyl saıyn ótkiziledi. Ár qysta muzǵa arnaıy tehnıkanyń kómegimen myńdaǵan oıyq jasalady.

Eske salsaq, osyǵan deıin Astanada qarmaqpen balyq aýlaý chempıonaty ótkeni jaıly jazǵanbyz.