Zaısan kólinen zańsyz balyq aýlaǵandar ustaldy
ÓSKEMEN. QazAqparat - Zaısan kólinen 111 keli balyqty zańsyz aýlaǵan top ustaldy, dep habarlaıdy QazAqparat tilshisi.
Qylmysty Tarbaǵataı aýdanynyń tártip saqshylary anyqtaǵan. Aýdandyq ishki ister bólimi men jedel bólimniń ınspektorlary Shorǵa aýylynyń turǵyndaryn zańsyz balyq aýlaý ústinde ustaǵan. Olardan jalpy salmaǵy 111 keliden asatyn kókserke, shortan, alabuǵa jáne móńke balyǵy ruqsat etilmegen quraldar tárkilendi.
«Ustalǵandardyń bul áreketi Qylmystyq kodekstiń 335-babynyń 3-tarmaǵyna saı zańbuzýshylyq bolyp sanalady. Keltirilgen shyǵyn kólemi 301,5 myń teńge. Oqıǵa ornynan segiz aý shyqty. Olar mingen ÝAZ kóliginde memlekettik nómiri bolmaǵan. Qazir kólik aýdandyq ishki ister bóliminde tur» - deıdi tabıǵı resýrstar jáne tabıǵat paıdalanýdy retteý basqarmasynyń mamany Aqerke Tursynhanova.
