Zaısan kólinde joǵalǵan ekinshi balyqshynyń denesi tabyldy
ÓSKEMEN. QazAqparat – Shyǵys Qazaqstan oblysynyń Tarbaǵataı aýdanynda 1978 jyly týǵan adamnyń denesi Zaısan kólinen tabyldy. Bul týraly ShQO tótenshe jaǵdaılar departamentiniń baspasóz qyzmetiniń basshysy Anastasııa Sklıar Facebook-te jazdy.
«Tarbaǵataı aýdanynda qutqarýshylar Zaısan kólinen 1978 jyly týǵan adamnyń óli denesin tapty. Marqumnyń denesi Kúrshim aýdanyna qarasty Jolnusqaý aýylynan 15 shaqyrym jerden shyqqan. Eki kún buryn 26 jastaǵy ekinshi balyqshynyń denesin aýyl turǵyndary balyqshylardyń qaıyǵy qalǵan jerdiń mańynan tapqan bolatyn», - dep jazdy departament ókili.
Eske salsaq, Zaısan kólinde eki balyqshy joǵalyp ketken bolatyn.
41 jáne 26 jastaǵy balyqshylar 6 qyrkúıek kúni ketkennen úılerine oralmaǵan. Olar mingen qaıyq Zaısan kólinen tabylǵan.
