Zaısan, Katonqaraǵaı, Kendirli áýejaılaryna qaı áýe kompanııalarynyń ushaǵy qatynaıdy
ASTANA. KAZINFORM — Kólik vıtse-mınıstri Talǵat Lastaev kelesi jyly paıdalanýǵa beriletin Zaısan, Katonqaraǵaı, Kendirli áýejaılaryna bılet quny qansha bolatynyn aıtty.
— Qurylys jumystary bıyl bastalyp, jyljyp jatyr. Bizdiń oıymyzsha, kelesi jyldyń sońyna deıin 3 áýejaıdyń qurylysyn bitiremiz. Zaısan áýejaıyn kelesi jazǵy maýsym bastalǵanda ashamyz dep otyrmyz. Odan keıin Qatonqaraǵaı, Kendirli ashylady. Biraq, úsh áýejaıdy da kelesi jyly paıdalanýǵa beremiz. Bılet qunyn aıtar bolsaq, bul baǵyttarda alǵashqy kezeńde sýbsıdııa bólinedi. Ortasha baǵasy 20 myńnyń shamasynda bolady. Bizde bul áýejaılarǵa ushý múmkindigi Skat pen Qazaq Air kompanııalarynda bar. Osy kompanııalar negizinen atalǵan áýejaılarǵa qatynaıdy, — dedi Talǵat Lastaev Úkimet otyrysynan keıingi brıfıngte BAQ ókilderiniń saýalyna oraı.
Taıaýda Shyǵys Qazaqstan oblysynyń ákimi Nurymbet Saqtaǵanov Zaısandaǵy áýejaı qurylysynyń 66%-y, Katonqaraǵaıdaǵy áýejaıdyń 55%-y jasalǵanyn aıtqan edi.