Zaısan áýejaıynda sertıfıkattaý rásimi bastaldy

ASTANA. KAZINFORM- Kólik vıtse-mınıstri Talǵat Lastaev pen Shyǵys Qazaqstan oblysy ákiminiń orynbasary Baqytjan Baıahmetov salynyp jatqan Zaısan jáne Katonqaraǵaı áýejaılaryna bardy, dep habarlaıdy QR Kólik mınıstrliginiń baspasóz qyzmeti.

Aeroport Zaısana
Foto: QR Kólik mınıstrligi

Zaısan áýejaıynda negizgi qurylys jumystary aıaqtalyp, nysandy sertıfıkattaý rásimi bastaldy. Al Katonqaraǵaı áýejaıynda ınjenerlik jelilerdi tartý, ǵımarattardy árleý jáne jabdyqtardy montajdaý jumystary jalǵasyp jatyr.

Zaısan áýejaıynda ushý-qoný jolaǵynyń, perronnyń, rýldeý jolynyń, kirme joldardyń jáne negizgi ınjenerlik jelilerdiń qurylysy aıaqtaldy. Sondaı-aq jaryq-sıgnaldyq jáne radıonavıgatsııalyq jabdyqtardy ornatý jumystary támamdaldy.

Qazirgi ýaqytta áýejaı ınfraqurylymy nysandarynyń ǵımarattarynda árleý jumystary, jabdyqtardy montajdaý jáne iske qosý-baptaý jumystary júrip jatyr. Jobany iske asyrýdyń qorytyndy kezeńderiniń biri – Qazaqstannyń avıatsııalyq ákimshiligi júrgizip jatqan Zaısan aerodromyn sertıfıkattaý rásiminiń bastalýy.

Katonqaraǵaı áýejaıynda da ushý-qoný jolaǵynyń, perronnyń, rýldeý jolynyń jáne blokty-modýldik qazandyqtyń qurylysy aıaqtaldy. Sonymen qatar respýblıkalyq mańyzy bar avtomobıl jolyn kóshirý jumystary támamdaldy.

Aeroport Katon-Karagaıa
Foto: QR Kólik mınıstrligi

-Qazirgi ýaqytta ınjenerlik jelilerdi tartý, tazartý qurylystaryn salý, áýejaı ınfraqurylymy nysandarynyń ǵımarattaryn árleý jáne aeronavıgatsııalyq jabdyqtardy montajdaý jumystary jalǵasyp jatyr,-delingen habarlamada.

Osyǵan deıin Zaısandaǵy áýejaı qurylysy aıaqtalýǵa taıap qalǵany týraly jazdyq.

Aeroport Zaısana gotovıat k otkrytııý — v VKO nachalas sertıfıkatsııa aerodroma
Foto: QR Kólik mınıstrligi