Zaınýtdınovtiń komandasy Ystambul derbıinde senimdi jeńiske jetti

Qazaqstan quramasynyń jartylaı qorǵaýshysy Baqtıer Zaınýtdınov óner kórsetetin Ystambuldyń «Beshiktash» klýby Túrkııa Sýperlıgasynyń HH týryndaǵy oıynyn Fatıh Karagıýmrıýkke qarsy ótkizdi. Kazinform bul týraly Prosports.kz-ke silteme jasap habarlaıdy. 

Kezdesýdegi esep 62-mınýtta «Beshiktashtyń» 18 jastaǵy shabýylshysy Semıh Kylychsoı gol soqqan kezde ashyldy. Arada úsh mınýt ótkende Mılot Rashıtsa esepti eseledi. 93 mınýtta Jedson Fernandesh oıynnyń núktesin qoıdy.

Nátıjesinde qazaqstandyq fýtbolshynyń komandasy 3:0 esebimen jeńiske jetti.

Zaınýtdınov negizgi quramda alańǵa shyǵyp, komandasy sapynda tolyq oıyn ótkizdi. Otandasymyz 40-mınýtta oıyn tártibin buzǵany úshin sary qaǵaz aldy. 

Aıta keteıik, bul jeńisinen keıin «Beshiktash» 35 upaımen 4-orynda qaldy. «Fatıh Karagıýmrıýk» 20 upaımen 16-orynda tur.