Zaınýtdınovqa resmı túrde dıagnoz qoıylyp, ota jasaldy
«Beshıktash» qazaqstandyq jartylaı qorǵaýshy Baktıer Zaınýtdınovtyń Túrkııa chempıonatynda «Ystanbul Bashakshehırge» qarsy oıynda (1:0) jaraqat alǵan soń densaýlyq jaǵdaıy týraly málimdedi. Kazinform agenttigi bul týraly Sports.kz portalyna silteme jasap habarlaıdy.
Qazaqstan fýtbol federatsııasy Zaınýtdınovtyń jaraqaty jáne onyń ulttyq qurama matchtaryna qatysýy týraly málimdeme jasady.
«Matchtyń 37-shi mınýtynda beti men murnynan soqqy alyp, oıyndy jalǵastyra almaǵan fýtbolshymyz Baktıer Zaınýtdınovtyń muryn súıegi men ańǵalaǵynyń negizi synǵany anyqtaldy. Zaınýtdınovtyń murnyna ota jasalyp, tańǵysh qalaq salyndy», - delingen klýbtyń resmı málimdemesinde.
Zaınýtdınovtyń alańǵa qashan oralatyny ázirge belgisiz: ol Qazaqstan quramasyna 2024 jylǵy Eýropa chempıonatynyń irikteý týrnıriniń San-Marıno jáne Slovenııa quramalaryna qarsy sheshýshi matchtarynda oınaı almaıtyn kórinedi.
