Zaınýtdınov «Beshıktash» komandasymen 2025 jyldaǵy alǵashqy jeńisine qol jetkizdi

ASTANA. KAZINFORM – Fýtboldan Túrkııa kýbogynyń toptyq kezeńi aıasynda Ystanbuldyń «Beshıktash» komandasy syrt alańda «Sıvasspormen» oınady. Bul týraly Sports.kz habarlady.

D tobyndaǵy birinshi týrdyń kezdesýi Sıvas qalasynda (Túrkııa) ótip, 1:0 esebimen Beshıktashtyń jeńisimen aıaqtaldy. Oıyndaǵy jalǵyz ári jeńisti goldy 20-mınýtta Rafa Sılva soqty. 

Qazaqstan quramasynyń jartylaı qorǵaýshysy Baqtıer Zaınýtdınov «Beshıktashtyń» negizgi sapynda alańǵa shyǵyp, matchty tolyq ótkizdi.

Bul «Beshıktash» fýtbol komandasynyń 2025 jyldaǵy alǵashqy jeńisi ekenin aıta ketken jón.

Eske salsaq, buǵan deıin Baqtıer Zaınýtdınovtiń komandasy syrt alańda «Rızespormen» teń túskenin jazǵan edik.