Zaýytbek Turysbekov Dúnıejúzi qazaqtary qaýymdastyǵy tóraǵasynyń birinshi orynbasary boldy
"Endi biz Tóraǵanyń birinshi orynbasaryn saılaýymyz kerek. Janymda otyrǵan Talǵat Mamashov 2004 jyldan bastap atqaryp keledi. Biraz jumys isteldi. Syrttaǵy otandastarymyzben rýhanı-mádenı baılanystar nyǵaıa tústi", - degen Memleket basshysy Talǵat Mamashovqa jemisti jumysy úshin rızashylyǵyn bildirdi.
"Men endi osy orynǵa Zaýytbek Turysbekovty usynǵym keledi. Táýelsizdik jyldary ishinde meniń tapsyrmammen talaı jaýapty qyzmetteri atqardy. Ysylǵan, tájirıbeli. Kezinde qazaqtyń Kóshi-qon demografııa agenttigin basqardy. Oblysta ákim, Іshki ister mınıstri boldy. Memlekettik qyzmet isteri agenttigin basqardy. Eń negizgisi qandastarymyzdyń eń kóp turatyn Reseı men Ózbekstanda Elshi boldy. Olardyń jaǵdaıyn jaqsy biledi", - dedi Qazaqstan Prezıdenti.
Turysbekovtiń kandıdatýrasyn quryltaı delegattary biraýyzdan qoldap daýys berdi.
"Senim artqandaryńyzǵa kóp rahmet. Bul qyzmet ár qazaq úshin bólek dúnıe. Men kóp sóılemeımin, istiń jaıyn jaqsy bilem. Barlyǵyn ispen ǵana dáleldegim keledi", - dedi Tóraǵanyń jańa birinshi orynbasary óz kezeginde.
