Zaýytbek Turysbekov Alem baǵdarlamalaý mektebiniń jumysymen tanysty
Bilim ordasy ózge memleketterdegi qazaq dıasporasy jastary arasynan joǵary deńgeıdegi IT mamandaryn taýyp, daıarlaýdy kózdeıdi.
Stýdentter Zaýytbek Turysbekovke mektep lektsııalaryn, baǵa qoıý ádisin jáne basqa da dástúrli bilim berý elementterin muǵalimsiz baǵdarlamalaýdy qalaı úırený kerektigi týraly aıtty.
Alem - Umit Fund kommertsııalyq emes bilim berý qorynyń jáne 01 Edu System eýropalyq bilim berý platformasynyń jobasy.
«Alem mektebinde bilim berý Peer learning prıntsıpi boıynsha qurylǵan. Mektep baǵdarlamasynda geımıfıkatsııa júıesi belsendi qoldanylady - árbir tapsyrma belgili bir bilim men daǵdyny alýǵa baǵyttalǵan. Olar ár stýdent úshin jeke-jeke rettilikpen kelesi deńgeılerden ótý úshin qajet»,-deıdi joba jetekshisi Dagar Davletov.
Sapar barysynda aıtylǵandaı, «Alem» baǵdarlamalaý mektebi QR Tuńǵysh Prezıdenti-Elbasy, Qaýymdastyqtyń tóraǵasy Nursultan Nazarbaevtyń Dúnıejúzi qazaqtarynyń 2017 jyly ótken quryltaıy kezinde bergen tapsyrmasyna saı ashyldy.
Eske sala ketmek, atalǵan Quryltaıda Elbasy tarapynan shetelderde túrli salalarda eńbek etip, kózge túsip júrgen belsendi qandastarymyz ben isker tulǵalardyń qarjylyq, ekonomıkalyq jáne iskerlik múmkindikterin el ıgiligine jaratý tapsyrylǵan-dy.
Aıta ketetin jáıt, «Alem» baǵdarlamalaý mektebiniń ıdeıasyn Malta Respýblıkasynyń turǵyny, bıznesmen etnıkalyq qazaq Nurtaı Kenjebekov usyndy. Ol osy jobanyń ınvestory bolyp tabylady.
Qaýymdastyq basshysy tarapynan shetelderdegi qandastarymyzdyń ókilderin atalǵan mektepte oqytý, osy baǵytta mekteptiń usynatyn múmkindikteri týrasynda birshama áńgime qozǵady. Qandastar arasynan shyqqan IT salasyna beıim jastardy mektepke tartý jaǵy pysyqtaldy.
