Zaýresh Amanjolova: Halyqqa kórsetilgen kómekti ary qaraı jalǵastyrýdyń mańyzy zor
«Áleýmettik tólemdi bólý boıynsha el ishinde birshama kataklızmniń týyndaǵanyn kórdik. Áıtse de Eńbek jáne halyqty áleýmettik qoldaý mınıstrliginde budan buryn AÁK tóleý tájirıbesi bar edi. Ony tóleý máselesin de jolǵa qoıǵan bolatynbyz. AÁK-ti aýdarý kezinde de bizde dál qazirgideı qatelikter kezdesken. Keıin ol kemshilikterdi túzeı bildik. Árıne máselen Reseıde AÁK mehanızmin ázirleýdiń ózine 2 jyl beriletinin estip, bir jaǵynan jubanyp ta otyrmyn. Qazaqstannyń Eńbek jáne halyqty áleýmettik qoldaý mınıstrligi bul baǵytta shama-sharqynsha jumys júrgizdi. Áıtse de bizdiń halyqtyń sanattary boıynsha mınıstrlikte qajetti aqparattyq baza bolýy kerek edi degen oıdamyn», - dedi Májilis depýtaty ártúrli saladaǵy sarapshylardyń onlaın rejımdegi baspasóz máslıhatynda.
Depýtat koronavırýs indetin jáne os kezdegi shekteý sharalaryn eńserý ońaı bolmaıtynyn jetkizdi.
«Ekonomıkalyq turǵyda da, áleýmettik sıpatta da solaı. Tipti psıhologııalyq turǵyda da ár adam úshin bul ahýal kúrdeli. Qazir ár adam osal. Sol sebepti qazir memleket tarapynan halyqqa kórsetilip jatqan kómekti ary qaraı jalǵastyrý mańyzdy degen oıdamyn», - dedi ol.
Májilismen aldaǵy ýaqytta áleýmettik salaǵa qarajatty ary qaraı da bólý jumysy jalǵasyn tabatynyna senim bildirdi.
«Biz tipti osy dóńgelek ústeldegi talqynyń qorytyndysy boıynsha óz usynystarymyzdy ortaǵa sala alamyz. Ásirese shaǵyn jáne orta bıznestiń jaǵdaıy asa jaqsy emes. Sondyqtan halyqqa kórsetilip jatqan áleýmettik kómekti qanshalyqty jalǵastyrýǵa bolatynyn aıqyndaıtyn materıaldardy ázirleýimiz kerek», - dedi ol.
